नेपाली सिनेमामा महानायकको उपाधी पाएका राजेश हमाल समयका भने पक्का छैनन् । उनले समयको महत्व नवुझेका हुन् या वुझेर पनि पचाएका हुन्, धेरैले बारम्बार यही प्रश्न उठाउने गर्छन ।

शनिबार बेलुकी आयोजना गरिएको एल्बम बिमोचन कार्यक्रममा पनि हमालको यही बानीले धेरैलाई हैरानी बनायो । राजेशले आफू साढे ४ बजे कार्यक्रमस्थलमा आइपुग्ने बताएका थिए । आयोजकले पनि अतिथीहरुलाई हमालकै समय अनुसार बोलाएको थियो ।

तर हमालको ढिलो आउने बानीले यहाँ पनि धेरैलाई हैरानी बनायो । साढे ४ बजेको समयमा आइपुग्छु भनेर समय दिएका हमाल कार्यक्रममा डेढ घन्टा ढिलो मात्र आइपुगे । हमाल ढिलो आउँदा कार्यक्रममा आएका पत्रकार तथा अन्य अतिथीहरुले दुख पाए ।

हमालको बानी देखेर कार्यक्रममा आएका एक व्यक्तिले भने, ‘महानायकको उपाधी मात्र लिएर हुदैन, निर्वाहा गर्न पनि जान्नुपर्छ । समयको ख्याल राख्ने, बोलीको पक्का हुने व्यक्ति मात्र महानायक बन्न सक्छ, तर मैले हमालमा यो कुराको कमजोरी देखे ।’

राजेश हमाल ढिलो आउँदा कार्यक्रम अनावश्य रुपमा लम्बियो । छायांकनस्थलमा समेत ढिलो आउने आरोप खेपिरहेका हमाल एल्बम बिमोचनमा पनि आफ्नो यही बानीका कारण आलोचित भए ।