बुढानिलकण्ठ स्कुलको पर्खाल भत्किदा एक बालिकाको मृत्यु !!

 काठमाडौंस्थित बुढानिलकण्ठ स्कुलको पर्खालले किचेर एक बालिकाको मृत्यु भएको छ । अन्य दुई जना घाईते भएका छन् । बिष्णु--२ स्थित बुढानिलकण्ठ स्कूलको पर्खाल सोमबार दिउँसो अचानक भत्कदा पर्खालले किचेर १३ बर्षीया निशा सुबेदीको मृत्यु भएको प्रहरीले जनाएको छ । साथी भेट्न आएकी निशा बुढानिलकण्ठस्थित तिरुबम ईन्टरनेश्नल स्कूलमा कक्षा ७ मा अध्ययनरत छात्रा हुन् । पर्खाल भत्कदा गम्भीर घाईते निशालाई उपचारका लागि शिक्षण अस्पताल महाराजगञ्ज लगिएको थियो । उनको उपचारका क्रममा मृत्यु भएको हो । पर्खालले किचेर घाईते हुनेमा गल्फुटार खड्क भद्रकाली बस्ने १२ बर्षीया सुजता गौतम र १४ बर्षीया करिना कुँवर रहेका छन् । उनीहरु पर्खाल नजिकै चौरमा घाम तापेर बसिरहेका बेला स्कुलको पर्खाल अचानक भत्कीएको थियो ।

-->