माओवादीको जालमा नफस्ने विपक्षी दलको निश्कर्ष
|
२८ पुस, काठामाडौं । नेकपा एमालेका बरिष्ठ नेता माधवकुमार नेपालले अब विपक्षी दलहरु माओवादीको जालमा नफस्ने बताउनुभएको छ ।
‘माओवादीप्रति कसैको पनि विश्वास छैन । अब हामीलेमात्रै चाहेर भएन, माओवादीको जालमा फस्नुहुँदैन भन्नेमा विपक्षीहरु एकमत भएका छौं ।’-नेपालले अनलाइनखबरसँग भन्नुभयो ।
शनिबार बिहान एमाओवादी अध्यक्ष प्रचण्ड र कांग्रेस सभापति सुशील कोइरालासँग एमालेले गरेको छुट्टाछुट्टै छलफलबारे जिज्ञासा राख्दा एमाले नेता नेपालले आफूहरुले प्रचण्डसमक्ष सुशीललाई प्रधानमन्त्री बनाउन प्रस्ताव राखेको बताउनुभयो, ‘तर, प्रचण्डले सुशीललाई हुँदैन भन्नुभयो ।’ नेकपा एमाले अहिले पनि सुशीलको विकल्प खोज्ने पक्षमा नरहेको नेता नेपालको कथन छ ।
आन्दोलनमा जानेबारे संयुक्त छलफल
शनिबार दिउँसो भएको विप्ाक्षी नेताहरुको संयुक्त छलफलमा माओवादीको जालमा नफसी आन्दोलनमा जानुपर्ने निश्कर्ष निकालेको एमाले नेता नेपालले बताउनुभएको छ ।
विगतमा कांग्रेस, एमालेको गठबन्धनमा नआएका मधेसी जनआधिकार फोरम र नेमकिपा समेतको सहभागितामा बानेश्वरमा बसेको बैठकमा एमाले नेता नेपालले राष्ट्रपतिलाई संयुक्त पत्र लेखेर सरकार गठनको पहलकदमी लिन आग्रह गर्नुपर्ने प्रस्ताव गर्नुभएको थियो भने कांग्रेस नेताहरुले आन्दोलनमा जाने प्रस्ताव गरेका थिए ।
|
|
