दलितमाथि हातपात गर्ने दुईजना धरौटीमा रिहा

पुरुषोत्तम गिरी/ उज्यालो । सल्यान, चैत ९ – जिल्ला अदालत सल्यानले सार्वजनिक धारामा पानी छोएको निहुँमा दलित माथि हातपात गर्ने २ जनालाई दोषी ठहर गर्दै धरौटीमा रिहा गर्न आदेश दिएको छ ।

जिल्ला न्यायाधीश राजेन्द्र अधिकारीको इजलासले जातिय छुवाछुतको अभियोगमा दोषी ठहर गर्दै जनही २५ हजार रुपैयाँ धरौटीमा रिहा गर्न आदेश दिएको हो ।




धारामा पानी भर्ने क्रममा पानी छोएको निहुमा मेनुका राना र उनका श्रीमान डिल्ली रानाले सल्यान दर्माकोट घर भई सेजवालटाकुरा बस्ने प्रेमा विकलाई हातपात गरेकोमा अदालतले दोषी ठहर गरेको हो ।

प्रेमाले मेनुका र डिल्लीले आफूमाथि दलित भएकै कारण हातपात गरेको भन्दै कारवाहीको माग सहित जिल्ला प्रहरी कार्यालय सल्यानमा जाहेरी दिनुभएको थियो ।