विज्ञान अधिकारी, काठमाडौं, साउन ७- सरकारले सस्तो लोकप्रियताका लागि भदौदेखि घरायसी र व्यावसायिक गरी दुईथरि ग्यास सिलिन्डर कार्यान्वयनमा ल्याउने भएको छ। अहिले प्रयोग भइरहेको १४.२ किलोको सिलिन्डरमै नीलो रङ लगाएर व्यावसायिक प्रयोगमा बिक्री गर्न लागिएको छ।

सरकारले हतारमै यस्तो नीतिक लागु गर्न लागेकाले दुवैथरी सिलिन्डरको तौल एउटै हुने भएको छ। विदेशमा व्यावसायिक प्रयोजनमा ठूलो सिलिन्डर बनाउने चलन छ। भारतमा व्यावसायिक प्रयोजनको सिलिन्डरको तौल १९.२ केजी हुन्छ।

मापदण्ड पूरा नगरेका बन्द
प्रधानमन्त्री कार्यालयका सचिव लीलामणि पौडेलले सुरक्षा र मापदण्ड पूरा नगरेका बोटलिङ प्लान्ट बन्द गर्न निर्देशन दिएका छन्। 'कुनै बोटलिङ प्लान्टले सुरक्षा र मापदण्ड पूरा गरेका छैनन् भने तत्कालै बन्द गर्नुहोस्,' ग्यास बिक्रेता महासंघ नेपालले शनिबार गरेको अन्तवि्र्र्कया कार्यक्रममा उनले भने, 'सुरक्षै नपुर्‍याएका उद्योगले ल्याएका ग्यास सिलिन्डर प्रयोग गर्न हुँदैन र बजारमा ल्याउन दिन ुपनि हुँदैन।' पौडेलले सरकारले ग्यास व्यवसायको सुधार कार्यक्रमलाई अघि बढाउने जानकारी दिँदै सुधार कार्यक्रमलाई नरोक्न उद्योगीलाई आग्रह गरे।
'ग्यास व्यवसायलाई व्यवस्थित बनाउन कार्ड वितरण योजना सरकारले ल्याउँदा उद्योगीहरु अदालत गएका छन्। सरकारले व्यवस्थित गर्न खोज्दा अदालत जानु न्यायोचित मान्न सकिँदैन,' उनले भने, 'सुधार कार्यक्रमलाई रोक्ने काम उद्योगीले गर्न सुहाउँदैन्।' पौडेलले सबै कम्पनीका ग्यास सिलिन्डरमा आयल निगमको लोगो राखेर बजारमा लैजाने व्यवस्था गर्नुपर्ने बताए।
'सबै सिलिन्डरमा निगमको लोगो राख्ने र सम्वन्धित कम्पनीको ट्याग झुन्ड्याउने व्यवस्था गर्नुपर्छ,' उनले भने, 'यसरी बजारमा ग्यास ल्याए मात्रै उपभोक्ताले सहजै ग्यास पाउने र धेरै कम्पनीका ग्यास सिलिन्डर राख्नुपर्दैन्।' ग्यास उद्योग महासंघका अध्यक्ष ज्ञानेश्वर अर्यालले ग्यास उद्योगीले अझै पनि ग्यास सुधारमा आनकानी गरिरहेको आरोप लगाए।
'ग्यासका सुधार कार्यक्रमलाई हामीले अगाडि बढाउन खोजिरहेका छौं। तर यसलाई केही उद्योगीले रोक्ने प्रयास गरिरहेका छन्,' उनले भने। उनले उपभोक्ताले चाहेको बखत सिलिन्डरको धरौटी दिन उद्योगीले आनकानी गरिरहेको आरोप लगाए।