पार्टीको चियापानमा दाहाललाई थप्पड

काठमाडौं, मंसिर १ - एमाओवादी अध्यक्ष पुष्पकमल दाहाललाई शुक्रबार राजधानीमा एक सर्वसाधारणले थप्पड हानेका छन् ।

भृकुटीमण्डपमा जारी चियापानमा दाहाललाई शुभकामना दिन नजिकै पुगेका ती व्यक्तिले थप्पड हानेका हुन् । थप्पड हान्दा दाहालको चस्मा भूईँमा खसेको थियो ।

थप्पड हान्नेलाई प्रहरीले नियन्त्रणमा लिएको छ । आक्रोसित कार्यकर्ताले दुर्व्यवहार गर्ने व्यक्तिमाथि हातपात गरेका थिए ।