फ्रान्सको यौन व्यवसाय विवादमा
|
जुनमा नयाँ सरकारका महिलामन्त्री नाजात भालाड बेलकासेमले वेश्यावृत्ति अन्य गर्ने प्रयास गरिने घोषणा गरेपछि यस प्रकारको विवाद आएको हो । बुद्धिजीवीहरूले महिलालाई यौन दासता तथा संगठनात्मक आपराधिक समूहबाट मुक्त गराउने प्रयासलाई उनीहरूले स्वागत गर्ने पनि बताएका छन् ।
उनीहरूले वेश्यावृत्ति निर्मूल गर्ने विषयमा दुई अवधारणा रहेको तर्क अघि सारेका छन् । उनीहरूले यस विषयमा सारिएको अतिवादी महिला दृष्टिकोणसँग असहमति जनाएका छन् । उनीहरूले यी अवधारणा ‘ यौन कर्म महिलाको आत्मसम्मानको उल्लंघन भएको’ तथा ‘सबै यौन कर्मी उनीहरूको ग्राहकबाट पीडित व्यक्ति भएको’ भन्ने अर्थ लाग्ने पनि उल्लेख गरेका छन् ।
उनीहरूले कहिलेकाहीं तथा पूर्ण अवधि यौन कर्म गर्ने सबै महिला पुरुषको दमनबाट पीडित नै भएको भन्ने कुरा सत्य नभएको पनि उल्लेख गरेका छन् । यसैगरी पुरुष ग्राहक पनि सबै डरलाग्दा आक्रमणकारी वा यौन हिंसा गर्ने व्यक्ति भएको र उनीहरूले महिलालाई उपयोग गरेर फ्याँक्ने सामान ठान्ने गरेको पनि सत्य नभएको उनीहरूले उल्लेख गरेका छन् ।
यो लेखमा सहभागी हुनेहरूमा दार्शनिक एलिजाबेथ बाडिन्टर, लेखक रेजिन डेसफोरगेस तथा चलचित्र निर्माता क्लाउड लान्जमान परेको पनि उल्लेख गरिएको छ । सहमतिमा हुने सहज यौन कर्मलाई फ्रान्समा अपराध मानिन्न । यसो भए पनि वेश्यावृत्तिका लागि विज्ञापन गर्नु, सम्भोगका लागि कसैलाई खरिद गर्नु वा वेश्यालय चलाउनु यहाँ अपराध मानिन्छ ।
मन्त्री बेलकासेमले नयाँ उपायले वेश्याका ग्राहकलाई लक्ष्य बनाउने धारणा व्यक्त गरेका छन् । बौद्धिक व्यक्तित्वहरूले ग्राहकलाई अपराधी बनाउँदा वेश्यावृत्ति भूमिगत हुने र उनीहरूलाई दलालको थप शोषणमा पार्ने विश्वास व्यक्त गरेका छन् । उनीहरूले राम्रो चाहनाबाट पनि नरकको बाटो खुल्ने धारणा राखेका छन् ।
प्रकाशित मिति: २०६९ भाद्र ७ ०३:३९
-ekantipur
|
|
