ज्यालादारीका डाक्टर अस्पताल प्रमुख
|
आर्थिक अनियमितताको आरोप लागेका मेडिकल सुपरिटेन्डेन्ट ठाकुर जेठको तेस्रो साता क्षेत्रीय प्रशासन कार्यालय हेटौंडा बयान दिन गएका थिए। त्यसबेला उनले बालरोग विशेषज्ञ डा. प्रमोद यादवलाई निमित्तको कार्यभार सुम्पेका थिए। ठाकुर अहिलेसम्म फर्किएका छैनन्।
यादवलाई पनि तालिमको सिलसिलामा बाहिर जानुपर्ने भएपछि दुई दिनअघि झा निमित्त तोकिएका हुन्। स्रोतको अनुसार अस्पतालमा उपलब्ध कुनै पनि चिकित्सकले निमित्तको जिम्मेवारी स्वीकार गर्न मानेनन्।
यसैबीच जनकपुर अञ्चल अस्पतालको हिसाबकिताब १५ दिनभित्र बुझाउन अख्तियार दुरुपयोग अनुसन्धान आयोगले पत्र लेखेको छ। नगदी काउन्टरमा ठूलो आर्थिक अनियमितता भएको उजुरीपछि अख्तियारले हिसाब मागेको हो। अस्पतालको डाक्टरक्वार्टर र ल्याबभवनमा रंगरोगन गर्दा पनि करिब २० लाख रुपैयाँ अनियमित ढंगले खर्च भएको भन्दै अख्तियारले सोधीखोजी थालेको छ।
नागरिकन्युज
|
|
