काठमाडौं, असोज १ - तपाइले टेलिभिजन, पत्रपत्रिका र इन्टरनेटमा कलेजहरुका झकि झकाउ बिज्ञापन पक्कै देख्नुभएको होला । त्यसरी देखाइएका बिज्ञापनमा  विदेशका विभिन्न विश्वविद्यालयबाट सम्बन्धन प्राप्त गरेर विविए, एमविए, बिएस्सी, बिएचएम लगायतका कोर्ष पढाउने उल्लेख छ । तर त्यो विज्ञापनकै भर परेर तपाई ती कलेजमा अध्ययन गर्दै हुनुहुन्छ वा अध्ययन गर्ने सोचाईमा हुनुहुन्छ भने एक पटक सोच्नुहोस है ।

विदेशी विश्वबिद्यालयबाट सम्बन्धन लिएर यी बिषयहरु पढाउदै आएका छन् । तर ती कलेजले सरकारसँग अनुमति भने लिएका छैनन् । त्यसैले शिक्षा मन्त्रालयले यी कलेजहरुको दर्ता समेत खारेज गरी कारवाहीको तयारी गरेको छ । एउटा प्रोग्रामको अनुमति लिएर अरु प्रोगाम पढाएका ६६ वटा कलेजलाई कारवाही गरिने शिक्षा मन्त्रालयका प्रवक्ता जनार्दन नेपालले बताउनुभयो ।

त्यस्तै चोरबाटोबाट संचालनमा आएका थप कलेजलाई सरकारले बन्द नै गर्ने भएको छ । विदेशी संस्थाहरुसँग नाम वा काम जोडेर संचालनमा आएका कलेज पनि बन्द गर्ने तयारी भैरहेको शिक्षा मन्त्रालयका प्रवक्ता जर्नादन नेपालले बताउनुभयो । अनुमति बिना सञ्चालन भएका त्यस्ता कलेजले विद्यार्थीको भविष्यमा खेलवाड गरेका कारण खारेज गर्ने तयारी भएको उहाँले जानकारी दिनुभयो ।
काठमाडौंमा शिक्षा पत्रकार संजालले गरेको कार्यक्रममा प्रवक्ता शर्माले फोनिस ईन्टरनेशनल कलेज, नेशनल ईन्टरनेशनल कलेज, मिड भ्याली, स्काई लार्क कलेज लगायतलाई बन्द गरिने जानकारी दिनुभयो । उहाँले ६६ वटा कलेज अनुमति विना संचालन भएकाले त्यस्ता कलेजलाई तत्कालै बन्द गरिने बताउनुभयो ।    

शिक्षा मन्त्रालयको स्वीकृति बेगरको कोर्ष सञ्चालन गर्ने कलेज र उनीहरुले सञ्चालन गरेको कोर्षको नाम

श्रोत : शिक्षा मन्त्रालय