लन्डन (एएफपी), श्रावण २८ - अमेरिकाले लन्डन ओलम्पिक मा पदक तालिकामा आफ्नो अग्रतालाई शनिबार बेलुकीसम्म कायमै राखेको छ । अब एक दिनमात्र प्रतियोगिता बाँकी रहँदा उसले ४१ स्वर्ण जितेको छ । चार वर्षअघि बेइजिङ ओलम्पिक मा पहिलो भएको चीन ३७ स्वर्णसहित दोस्रो स्थानमा छ । उसले शुक्रबारबाट कुनै पनि स्वर्ण थप्न सकेको छैन । अमेरिकाको २६ रजत र २८ कांस्य छ । उसको जम्मा पदक संख्या ९५ पुगेको छ । चीनको २५ रजत र २० कांस्यसहित ८२ पदक पुग्यो ।

तेस्रो स्थानमा रहेको बेलायतको २६ स्वर्ण पुग्यो । उसको १५ रजत र १८ कांस्यसहित ५९ पदक छ । चौथो स्थानमा रहेको रुसको १८ र पाँचौँमा रहेको दक्षिण कोरियाको १३ स्वर्ण छन् ।

फ्रान्सलाई बाइक क्रसकन्ट्रीमा स्वर्ण फ्रान्सले महिला बाइक क्रसकन्ट्री रेसमा शनिबार स्वर्ण जितेको छ । उसलाई १० औं स्वर्ण जुली ब्रेसेटले दिलाइन् । जुलीले ओलम्पिक मा पहिलो सफलता हात पारेकी हुन् । यो स्पर्धामा जर्मनीले रजत र अमेरिकाले कांस्य जिते ।

रुसलाई थप दुई स्वर्ण रुसले शनिबार थप दुई स्वर्ण जित्यो । सर्जिइ किर्डायापिनले पुरुष ५० किलोमिटर हिंडाइमा नयाँ ओलम्पिककीर्तिमानसहित स्वर्ण जितेका छन् । उनले निर्धारित दूरी तीन घन्टा ३५ मिनेट ५९ सेकेन्डमा पूरा गरेर स्वर्ण जिते । अस्टे्रलियाका जरेड टलेन्ट रजत तथा चीनका सी तियाङफेङले कांस्यपदक

जिते । रुसका अर्का खेलाडीद्वय जुरी पोस्टरिगे र एलेक्सजेन्डर ड्याचेन्कोले पुरुष डबल्स कायाक दुई सय मिटर स्पि्रन्टमा स्वर्ण जिते । यस स्पर्धामा बेलारुसले रजत र बेलायतले कांस्य जिते ।

कायाकमा बेलायत र न्युजिल्यान्डलाई स्वर्ण महिला दुई सय मिटर कायाक स्पि्रन्टमा न्युजिल्यान्डले स्वर्ण जितेको छ । न्युजिल्यान्डको समग्रमा यो पाँचौं स्वर्ण हो । उसलाई लिसा कारिङटनले स्वर्ण दिलाइन् । यस स्पर्धामा उक्रेनले रजत र हंगेरीले कांस्य जिते । पुरुषतर्फ भने बेलायतले स्वर्ण जित्यो । उसका एड क्याककेभिनले पहिलो स्थान हासिल गरेका हुन् । यस स्पर्धामा स्पेनले रजत र क्यानडाले कांस्य जिते । 

Medal Count

Position	Country				Total