वधशाला रिलिज गर्न हुँदै हुँदैन : सेना

-->

मनोज पण्डितद्वारा निर्देशित चलचित्र बधशालामा 'द्वन्द्वकालमा भैरवनाथ गणमा दिइएका यातना' लाई मूल विषयवस्तु बनाइएको र गणलाई बधशालाको रुपमा चित्रण गरिएको बुझाइ सेनाको छ।
यसकारण सेन्सर बोर्डले हेर्नुअगावै केही साताअघि सेनाले चलचित्रप्रति आपत्ति जनाउँदै प्रदर्शनमा नल्याउन सूचना तथा सञ्चार मन्त्रालयलाई भनेको थियो। चलचित्र विकास बोर्डबाट स्त्रि्कप्ट पास भएर निर्माण कार्य पूरा गरी सेन्सर बोर्ड पुगेको चलचित्र सम्बन्धमा सेन्सरले बोल्नुअगावै सेनाले अप्रत्यक्ष प्रतिबन्ध लगाएको हो।
'प्रोमो मात्र होइन, चलचित्र नै हेरिसकिएको छ। चलचित्रको विषयवस्तु र प्रस्तुतिप्रति नै हाम्रो आपत्ति छ। सेना कति कठोर हुन्छ? कस्तो व्यवहार गर्छ? चलचित्रमा देखाउन खोजिएको छ जस्ले जनमानसमा सेनाबारे गलत धारणा बनाउँछ,' प्रवक्ता शर्माले भने।
रक्षाका प्रवक्ता द्वारिकाप्रसाद आचार्यले सेनाले आफ्नो पुरानै धारणा पत्रमार्फत राखेको जनाए। 'यो चलचित्र रिलिज गर्न हुँदै हुँदैन भन्ने सेनाको आशय छ,' प्रवक्ता आचार्यले जानकारी दिए।
फागुन २५ मा देशव्यापी प्रदर्शनको तयारीमा रहेको बधशालाले पोस्टर र प्रोमो सार्वजनिक गरिसकेको छ। तर, सेनाको एकतर्फि प्रतिबन्दले फिल्मको प्रदर्शनी रोकिने पक्कापक्की जस्तै भएको छ। अनुप बराल, सौगात मल्ल, अर्पण थापा, दयाहाङ् राई लगायतको अभिनय चलचित्रमा रहेको छ।