जिप दुर्घटनामा एक घाइते

ओखलढुङ्गा, चैत ९ - सिद्धिचरण राजमार्गअन्तर्गत ओखलढुङ्गा-हर्कपुर सडकखण्ड सल्लेरी-९ जरङ्गेमा आज बिहान ९ बजे जिप दुर्घटना हुँदा एक जना गम्भीर घाइते भएका छन्।

 
ब्रेकफेल भएर बा२ख ५६०९ नम्बरको जिप पल्टिँदा सडकमा यात्रा गरिरहेको सल्यान-८ सोलुखुम्बुका ३० वर्षीय डिल्लीबहादुर गिरी गम्भीर घाइते भएका हुन्।

ओखलढुङ्गा मिलनचोकबाट साइटमा काम गर्न जाँदै गर्दा उक्त सडक खण्डको डिविएसटीको काम गरिरहेको तुँदी नागार्जुन जेभी निर्माण कम्पनीको गाडी दुर्घटना भएको अस्थायी बिट मिलनचोकले जनाएको छ।

प्रहरीका अनुसार घाइतेको टाउकोमा गहिरो चोट लागेको छ भने देब्रे खुट्टा भाँचिएको छ। घाइते गिरीको सामुदायिक अस्पताल ओखलढुङ्गामा उपचार भइरहेको छ। उनको अवस्था खतरामुक्त रहेको अस्पतालले जानकारी दिएको निर्माण कम्पनीका प्रतिनिधि रामकुमार जिसीले बता ए । रासस