मृत मानिसको नाममा भत्ता असुल्दै

-->


दुवैको मृत्यु भएको लामो समय भैसके पनि ठाकुरले भत्ता बुझ्दै आएको स्थानीय विकास अधिकारी (एलडिओ) उमेश बस्नेतले बताए। उनले कात्तिकमा नक्कली भरपाई/छाप लगाएर भत्ता बुझेका छन। दोश्रो किस्ताका लागि फागुनसम्मको रकम लगेका छन्।
स्थानीयको गुनासोपछि ठाकुरमाथि जिविसले कारवाहि थालेको छ। गाविस कार्यालय लक्ष्मीपुर सुखचैना पुगेका एलडिओ बस्नेत नेतृत्व टोलिले कार्यालयको अवस्था, आर्थिक गतिविधि र कार्यसम्पादनमा त्रुटि देखिएको भन्दै कारवाहिका लागि सिफारिस तयारी गरेको जिविसका लेखापाल अशोकलाल कर्णले बताए।
गाविस सचिव ठाकुर आठ महिना अवधिमा दुई दिन मात्र कार्यालयमा उपस्थित भएको पाइएको छ। कार्यालयमा हाजिरी रजिस्टर समेत नभएको र आर्थिक कारोवार श्रेस्ता अध्यावधिक नभएको एलडिओ बस्नेतले बताए। ठाकुरले गरिबलाई धम्क्याएर विकास निमार्ण बजेटमा कमिसन लिने गरेको उनले बताए। टोलीका अनुसार स्थानीय मोती मण्डललाई ६९ हजार पेश्की रकम निकासा भएको भौचरमा देखाएर २५ हजार मात्र दिएका छन्। स्थानीय जैनुल मिया धोवीका नाममा २० हजार पेश्की रकम निकासा भएको भौचर देखाएर १२ हजार मात्र दिएछन्। ८ हजार रुपैयाँ कमिशनस्वरुप सचिवले लिएको मियाले बताए। बजेटबाट गाविसमा कुनै काम भएको छैन। काम नभएकाले बजेट फिर्ता लान एलडिओ बस्नेतलाई स्थानीयले आग्रह गरे।