प्रथम खुल्ला दौडमा धनबहादुर विजयी

धादिङ, फागुन ५ (नागरिक) - प्रजातन्त्र दिवसको अवसरमा आयोजित प्रथम खुल्ला दौड प्रतियोगिताको उपाधि नौविसेका धनबहादुर गुरुङले हात पारेका छन्। शनिबार बिहान नेपाल खेलकुद महासंघ धादिङको आयोजनामा धादिङबेसीमा सम्पन्न भएको धादिङ जिल्ला स्तरीय प्रथम खुल्ला दौड प्रतियोगितामा पाँच किलोमिटर दुरी १५ मिनेट २३ सेकेण्डमा दौडेर धनबहादुरले प्रथम स्थान हासिल गरेका हुन्।



सोहि दुरी १६ मिनेटमा पार गरेर महाविर भुजेल दोश्रो र १६ मिनेट ९ सेकेण्डमा पार गर्दै देवबहादुर राक्ष तेश्रो भएका थिए। शनिबार धादिङको ससाहदेखि धादिङबेसी शितलबजार सम्मको पाँच किलोमिटर दुरीमा खुल्ला दौड प्रतियोगिताको आयोजना गरिएको थियो।


प्रतियोगितामा पहिलो हुनेलाई नगद ५ हजार, दोश्रो हुनेलाई तीन हजार र तेश्रो हुनेलाई एक हजार नगद सहित प्रमुख अतिथि नेकपा एमालेका पोलिटव्युरो सदस्य एवम पूर्वमन्त्री राजेन्द्र पाण्डेद्वारा सिल्ड, मेडल र प्रमाण पत्र प्रदान गरिएको आयोजक नेपाल खेलकुद महासंघ जिल्ला कमिटी धादिङका अध्यक्ष विकास कार्कीले जानकारी दिए।


प्रतियोगितामा अन्तर्राष्ट्रिय म्याराथुनमा नेपालको तर्फबाट पहिलो गोल्डमेडलिष्ट पुराना धावक जितवहादुर केसी र अन्तर्राष्ट्रिय धावक लिला श्रेष्ठ रेफ्रि थिए।