ट्वान्टी २० मा नेपालको जित

-->

ज्ञानेन्द्रले ४३ बल खेली ३ चौका र १ छक्का प्रहार गरे। उनीसँगै ११ बलमा १ चौका प्रहार गरी १३ रन बनाएका शरद भेषावकर अविजित रहे। विनोद भण्डारीले २६ बलमा २ चौका र २ छक्कासहित ३४, सुवास खकुरेल १४, सागर पुन ३ र पृथु बास्कोटाले १ रन बनाए। भारत नगरका सही खत्री, सुरज राई र प्रवेश चिकाराले १/१ विकेट लिए।
यसअघि भारत नगरबाट लुभ सेहरावतले अविजित ५४ रन बनाएका थिए। उनले ४३ बल खेली ३ चौका र ३ छक्का प्रहार गरे। शक्ति सिंह १९, हितेश दलाल १३, सिद्धार्थ सेवाग ११ रनमा आउट भए। नेपालबाट अमृत भट्टराई र जीतेन्द्र मुखियाले २/२ विकेट लिए। अमृतले ४ ओभरमा १ मेडन राख्दै १७ र जीतेन्द्रले ४ ओभरमा ३६ रन खर्चे। शक्ति गौचन र बसन्त रेग्मीले १/१ विकेट लिए।
नेपालले दिल्लीमै सोमबार तलवार क्रिकेट एकेडेमीसँग दोस्रो ट्वान्टी-२० अभ्यास खेल खेल्ने छ। खेल डे नाइट हुनेछ।