-->

काम गर्नेहरूको एक लाख ५४ हजारले बढेर दुई करोड ९७ लाख पुगेको छ । जनवरी महिनामा बेरोजगार भत्ताको दाबी गर्ने मानिसहरूको सङ्ख्या १२ हजार पाँच सयले घटेर एक १५ लाख ४० हजार भएको छ ।

ओएनएसका अनुसार समग्रमा बेलायतमा दुई करोड ९७ लाख ३० हजार रोजगारीको अवस्थामा छन् भने त्यसमा ७३ प्रतिशतले पूर्णकालीन रुपमा रोजगारी पाएका र २७ प्रतिशतले अल्पकालीन रुपमा काम गरिरहेका छन् ।

डिसेम्बरमा समाप्त भएको तीन महिनामा बेरोजगार दर घटेर सात दशमलव आठ प्रतिशत थियो । सोभन्दा अघिल्लो त्रैमासिकमा यो सात दशमलव नौ प्रतिशत थियो ।

आँकडाहरूबाट के थाहा भएको छ भने वित्तीय सङ्कट र त्यसपछिको लगत्तैको सन् २००८ को मन्दीयता बेलायतको अर्थतन्त्रलाई परिवर्तन गरिएको छ ।

ओएनएसका अनुसार सन् २०१२ को अक्टोबरदेखि डिसेम्बरसम्मको अवधिमा पूर्णकालीन रुपमा रहेका रोजगारको सङ्ख्या मन्दीको पहिलो त्रैमासिकको रूपमा रहेको सन् २००८ को अपि्रलदेखि जुनसम्मको त्रैमासिकभन्दा तीन लाख ७८ हजारले कम रहेको छ ।

तरपनि अल्पकालीन रुपमा रोजगारको सङ्ख्या सोही अवधिको तुलनामा पाँच लाख ७२ हजारले बढी रहेको उक्त समाचारमा जनाइएको छ ।

पन्ध्र हजारभन्दा कम मानिसलाई एक वर्षभन्दा बढीदेखि बेरोजगार बनाइएसँगै दीर्घकालीन बेरोजगारीको सङ्ख्या पनि घटेर आठ लाख ७९ हजार भएको छ ।

तलब वृद्धिको तुलनामा मुद्रास्फीति उच्च रहेसँगै तलबको वास्तविक मूल्यमा कटौती भइरहेको पनि समाचारमा जनाइएको छ । लेबर पार्टीका पेन्सन्स सचिव लियाम बायर्नले त्यसको जवाफमा भन्नुभयो- "निर्वाचनयता मानिसहरूको औसत एक हजार २०० पाउन्ड तलब कटौती भएको छ । किनकी रोजगारहरू आउन अति कठिन भएको छ र हामीले अहिले पनि प्रत्येक एक रिक्त पदका लागि पाँच जनाभन्दा बढीले पछयाइरहेको देखेका छौँ ।"

यो अवस्थाका बाबजुत पनि कामविहीन महिलाहरूको सङ्ख्या वृद्धि भएको र दीर्घकालीन बेरोजगारी अहिले पनि ठूलो सङ्ख्यामा रहेको समाचारमा जनाइएको छ ।