न्युयोर्क, श्रावण २८ - सम्बन्धको औचित्यलाई जसरी प्रष्टाए पनि हजारौं माईल पर प्रवासमा सारो गाह्रो पर्दा चाहिने आखिर उनै प्रवासी नेपालीहरु हुन् ।  लगनखेलका राजु खड्का एक बर्षदेखि कलेजोको क्यान्सरबाट ग्रस्त छन् । न त परिवारको साथ न कोहि सहयोग ी आफन्त । अस्पतालमा कलेजो स्थानान्तर गर्न महिनौं लाग्ने र सो अवधिमा खर्च टार्न धौ धौ पर्ने स्थिति खड्काको छ । तथापी न्युयोर्कबासी नेपाली प्रवासीहरुको सहयोग ी हात जुर्मुराएपछि भने खडकालाई केहि आर्थिक राहत मिल्ने भएको छ ।

चलनचल्तीका धार भन्दा फरक रुपमा आयोजना गरिएको शुक्रबारको सांस्कृतिक मौहाल 'राजु खड्का सहयोग साँझ'बाट खडकाका लागि झण्डै नौं हजार अमेरिकी डलर संकलन भयो । आयोजक मध्येका एक तिलक श्रेष्ठकै भनाईमा' यो मानवीय दायित्व त हो नै, त्यसमा पनि नेपाली भाईचाराले हामीलाई आफनो कर्तव्यबोध बनायो ।'

श्रेष्ठ सहित राजेश गुरुङ र प्रज्जवल राणा लगायतका जुझारु युवाहरुले सो जमघट जुराएका थिए । स्थानीय सगरमाथा रेष्टुरेन्टको सो सांगातीक बाताबरण माझ खड्कालाई सहयोग   गर्ने सुचीमा नेपाली व्यवासायी बसन्त चौधरी समेत सामेल हुनपुगे । भ्रमणको क्रममा हाल न्युयोर्कमा रहेका चौधरीले एक हजार डलर सहयोग गरेका थिए ।

'हामी नेपाली' नामक समुहले सात सय डलर एवम रत्न लक्ष्मी गुरुङले छ सय १ डलर सहयोग गरे । उपस्थित सबै सहयोग गर्ने सुचीमा रहे । स्थानीय कलाकारहरुले आ आफनो प्रस्तुति पस्केका थिए ।