एमाओवादी संविधानसभा पुनःस्थापनाको पक्षमा
|
.jpg)
पुनःस्थापनाको पक्षमा 'लबिङ' गरिरहेका पूर्व सभासदहरुको टोलीलाई आइतबार भेट्दै दाहालले भने-'संविधानसभा पुनःस्थापनाको तपाईहरुको अभियानमा हाम्रो पूर्ण समर्थन छ ।' उनले नेपाली कांग्रेस लगायत अन्य दलका नेताहरुले पनि अनौपचारिक कुराकानीमा पुनःस्थापना उत्तम विकल्प हुने भन्दै आएको खुलाए ।
'यहाँ विभिन्न पार्टीलाई प्रतिनिधित्व गर्ने पूर्व सभासदहरुको उपस्थिति छ,'उनले भने 'तपाईहरुले अन्य नेताहरुलाई पनि भेट्नु भएको छ । सबैको भावना तपाईहरुलाई पनि थाह छ ।'
सुरुमा नेपाली कांग्रेसका केही सभासदहरुले पुनःस्थापनाको 'लबिङ' सुरु गरेपनि अहिले त्यस पक्षमा एमाओवादी, एमाले, नेकपा-माओवादी र मधेशी मोर्चा सहित अन्य साना दलका चार दर्जन बढी सभासदहरु जोडिएका छन् । टोलीले कांग्रेस सभापति सुशील कोइराला र नेकपा-माओवादीका अध्यक्ष मोहन वैद्यलाई भेटिसकेको छ । टोलीले आजै एमाले अध्यक्ष झलनाथ खनाललाई भेट्दैछ ।
|
|
