जाजरकोट, फाल्गुन २८ - सदरमुकाममा अस्पताल छ तर खलंगा ६ का निमबहादुर विक ८ वषर्ीय छोरा भद्रको उपचार गर्न नेपालगन्ज पुगेका छन् । दाहिने हात भाँचिएका छोरा भद्रको जिल्ला अस्पतालमा उपचार हुन नसकेपछि उनी बाध्य भएर नेपालगन्ज पुगेका हुन् ।

उनी मात्र होइन, यहाँका उपभोक्ता सामान्य रोगको उपचार गर्न पनि महँगो खर्च बेहोर्दै नेपालगन्ज जानुपर्ने बाध्यता छ । नियमित डाक्टर र उपकरण नहुँदा जटिल प्रकृतिका सुत्केरी सेवा, पेट तथा हाड भाँचिएका बिरामी जिल्लामै उपचार पाउन सक्दैनन् ।

पन्ध्र शय्याको यस अस्पतालमा एक्सरे, भिडियो एक्सरे, ईसीजी, टेलिमेडिसिनलगायत उपकरण जीर्ण भएका छन । दरबन्दीअनुसार डाक्टर बस्दैनन् । चिकित्सक, उपकरण र सेवा नभए पनि बिरामीले स्वास्थ्य सेवा पाउन नसकेका हुन् ।

तालिमप्राप्त जनशक्ति अभावले भएका उपकरण पनि प्रयोगमा नआउँदैनन् । अस्पतालमा ३० वर्षदेखि मेडिकल सुपरिटेन्डेन्ट रिक्त छ । त्यस्तै, अन्य तीन मेडिकल अधिकृत, जनस्वास्थ्य अधिकृत, स्वास्थ्य सहायक, रेडियोग्राफरलगायत दरबन्दी वर्षौंदेखि रिक्त नै छन् ।

अस्पतालमा अत्यावश्यक उपकरण र डाक्टर नआउँदा दुर्गमका बिरामीलाई उपचार गर्न नेपालगन्ज जानुपरेको प्रजिअ कृष्णश्याम बुढाथोकीले बताए । 'जिल्ला अस्पताल छ, उपचार छैन । उपचारका लागि जिल्लाबाहिर नगई सुखै छैन,' उनले भने ।

जिल्ला अस्पताल डाक्टरविहीनजस्तै छ । डाक्टर नहुँदा जिल्ला अस्पतालको दैनिक स्वास्थ्य सेवा अहेबको भरमा

छ । जिल्ला अस्पतालमात्र होइन, ग्रामीण स्वास्थ्य संस्थामा पनि स्वास्थ्यकर्मी नहुँदा ग्रामीण क्षेत्रको स्वास्थ्य सेवा अझै बिजोक छ । दर्जन स्वास्थ्य संस्था सहयोगीका भरमा चलेका छन् । स्वास्थ्य प्राविधिक सरुवा तथा काज गएपछि ती संस्थामा महिला स्वयंसेविका र सहयोगीमात्र भएका

हुन् । पहुँचका आधारमा जिल्लाबाट सरुवा तथा काज जाने तर दरबन्दी पूर्ति नहुने हुँदा स्वास्थ्य सेवा प्रभावित बन्ने गरेको हो । तीन डाक्टरसहित ६० भन्दा बढी स्व्ाास्थ्यकर्मीको दरबन्दी रिक्त रहेको लामोे समय बित्दा पनि पदपूर्ति हुन नसकेकाले स्वास्थ्य सेवा प्रभावित भएको प्रजिअ बुढाथोकीले बताए ।