दीक्षा कुँवर, नायिका
|
सानैदेखि मोडलिङमा जम्ने लक्ष्य लिएकी झापा, दमककी दीक्षा कुँवरको उद्देश्य अहिले आएर सार्थक हुँदैछ। टिनएज पार गर्नै लागेकी दीक्षाले 'झुपडीको जिन्दगी'बाट चलचित्र क्षेत्रमा 'डेब्यू' गरेकी थिइन्। झुपडीको जिन्दगी, प्लेब्वाई, कलंक (भोजपुरी चलचित्र), सम्झिदिए पुग्छ, अभियुक्त, ॐ आदि चलचित्रमा अभिनय गरिसकेकी दीक्षा अहिले आफ्नै लगानीमा निर्देशक तथा निर्माता शोभित बस्नेतसँग मिलेर चलचित्र 'जञ्जीर' निर्माण गर्ने तयारीमा छिन्। ५ फुट ६ इन्च अग्ली दीक्षाको इच्छा एकपछि अर्को गरी सार्थक हुनुमा उनको शारीरिक सुन्दरता र अभिनय क्षमताले काम गरेको छ। छोटो अवधिमै मनग्य चर्चा बटुल्न सफल दीक्षालाई घर परिवार र समाजबाट पनि निकै ठूलो सहयोग मिलेको छ। प्रेमको चक्करमा फसिसकेकी दीक्षासँग यौनको अनुभवका सम्बन्धमा गरिएको प्रश्नमा भने उनले आफूसँग त्यसको अनुभव नभएको बताइन्।
|
|
